僱主們一定要知法守法

最近不少人求助，當靚媽俾建議的時候，很多時佢地都話唔得，甚至買佢地怕...點解？因為僱主自己都話因為自己做左不少"犯法野"，"踩界野"....所以當工人有日玩野時都不敢揸正黎處理。

例如:
要工人做兩家工作，每月私下俾多少少。
買晒工人休息日法定假日，工人一個月放得一日。
工人半夜要起身照顧bb,但日間係照樣工作。
keep工人passport。
等等等等

以上大家以為你情我願，一次半次還好，冇事就冇事，要反轉豬肚時就冇人可憐你，佢地變臉好快架，有工會有律師教嘛。

僱主們一定要知法守法，否則幫你都幫唔到

<工人借財仔怎麼辦？>

<工人借財仔怎麼辦？>

工人借財仔,就好似大學生借grant loan一樣,十個八個借,其餘個兩個,一個借左你唔知,一個應該係蠢既.其實好多僱主一聽到工人借錢就好晴天霹靂,一定要炒…醒下啦!工人來香港借財仔,係佢地既例行公事,係福利.你炒得幾多？所以今日靚媽教大家平常心處理,咁各位就少幾十條皺紋架喇!

如果你唔知工人有冇借,咁就繼續唔知啦,唔好問,因為你點問都係say NO,靚媽又唔建議摷工人野搵線索(尊重還是必要的),所以隻眼開隻眼閉是要學的,最好盲埋…咁就開心生活每一天.催眠自己:借錢又唔係犯法,人人都有權借架…..

但如果以下情況,便已經觸及和超過靚媽底線….咁就要做下野喇!

情況一:如果唔知點解知道左佢有借財仔 (可能見到d還款單等等),咁都可以當唔知,冇咩野既….自己心裡有數得架喇!起碼有還,冇野寄黎….ok…ok…ok...總之小心家中財物啦(靚媽家中守衛森嚴)

情況二:如果收到信(即冇還啦),當面拆,要踢爆佢喇!每個月出糧日出現金,簽好糧單,然後”愛心陪同”佢去7仔還.糧單記住要簽足數目,唔好手多多寫咁多野,只不過你會陪佢去盡返佢既責任姐.如果佢肯,ok fine,繼續努力工作,如果佢唔肯,得,緣盡了,即炒不過夜.記住,呢個已經係靚媽底線…..唔炒,只會演變成情況三.

情況三:收到大隻佬電話/上門探訪,即代表佢冇還好耐喇,咁報警(受到滋擾可以報,不過冇用,keep record咋,警察不會理你),通知管理處,即炒(fax返終於合約form俾財仔係ok的,放心,大隻佬唔會再搵,因為佢地唔會浪費力水).不過我唔否定可能僱主仲想幫工人(我唔排除有d阿mum係冇工人會即死,或阿sir係偷偷地暗戀工人),咁我只會建議你,直接contact財仔,啟動大家合作模式,話佢知每個月會去財仔公司出糧,要拎幾多自便.財仔目的都係錢,佢搵大隻佬都要成本架.唯有係咁啦…..

工人走佬仲好，名正言順解決。

僱主借錢俾工人還錢好唔好?呢d白痴問題唔好再問啦.你問我會嬲架,唔好俾我知你咁低智咁on豬豬啦!乖~你d低能自己攞黎賤既野唔好問….我知你唔會做!

咁肥J有冇借錢？…有!在情況一.靜觀其變

我有叫肥J簽定份野,係話如果有財務糾紛追債,請聯絡佢老家的人,叫佢自己寫底地址,電話,佢家人資料...，份form有寫明如有需要會交俾相關機構(銀行，財務公司etc),copy段privacy ordinance既statement, 佢sign & agree(費事佢告我咩私隱條例)，有少少阻嚇作用架。如果佢唔肯簽,我又唔會迫既,但...well....心裡有數啦.(以上只適合識英文的工人)

所以,大家請工人時,要SET好自己條底褲….SORRY是底線!😂😂

ps:以上只是個人做法,只供參考咋，唔like唔好鬧😂😂

<姐姐屋企人死左點算?>

<姐姐屋企人死左點算?>

最近靚媽很忙,又返工,又湊b,又進修….考完試終於鬆一口氣過聖誕了,yeah~

經常都聽到其他工人姐姐說佢地直系(父母老公仔女)和非直系家人(細佬個朋友個家姐)出事,
輕則發燒,跌親,重則CANCER,心臟病發,車禍,不幸的更會突然死亡.
跟手借一萬幾千,或要回鄉十日八日奔喪….
很多僱主也不知道應該如何處理,
靚媽今次俾D Tips大家,可以參考下。

如果已經死左/重傷:
同工人講:”我都為你好傷心,我都係人地父母,人地仔女,我好明白你的心情(可以的話,請流一滴眼淚/或呻一呻鼻涕),呢個時候,錢幫你唔到D乜,你好需要返去陪佢行埋人生最後一程.咁啦,你想的話我俾你即刻辭職返去,本來你走得咁急,要補返一個月人工俾我,但我明白你現在既情況,我暫時唔使你俾住先,個$4010我當借俾你,明架喇,你settle晒有先還返俾我,如果你再返香港就通知我.雖然你走左我浪費左成萬蚊agent fee,但唔緊要,家人要緊.仲有,你想幾時走?我試下幫你check機票,希望有聽日機票你返去(呢個時候,你即時拎個電話出黎,上cx airline個網).你今日入房休息下先,唔好做家務喇,補張辭職信俾我就ok, mum會幫你搞掂…

重點
1.你冇話炒佢架,千萬唔好話你係唔要佢,係佢有需要走咋..小心!!
2.1個月通知,你冇話免佢,係唔收住,但保留追討權利(當然你可以唔追),千萬唔好講錯,否則佢可以告返你轉頭係你炒佢.
3.全程唔需要提唔借錢俾佢,只要講一大埋野.音波功...ee哦哦，總之越講越遠越遠……

以上方法,靚媽覺得對得住天地良心,由始至終,我會當佢真係家中有事,屋企人死左唔應該一萬幾千可以解決,也不應該只放假幾天.我是好僱主,也有同埋心,人家離開家鄉，家人出事，當然是即刻返去，所以我會俾佢即刻回去.搞掂先返黎啦!

但很多時候,工人就知道自己玩大左,佢會識自自然然識do……翻生既翻生，病危既也會渡過危險期...咁你就功德無量。

後記:咁肥J姐姐有冇試過出呢招問靚媽借錢呢?答案係冇!因為肥J知道靚媽係一定唔會借錢,所以佢都可以慳返D慘情戲.不過,事實肥J真係曾經試過做野做得唔好,話佢時佢話HOME SICK掛住仔女(總知成日出派佢仔女出場),我都係直接講以上說話….結果係:佢寫返封信俾我,多謝我照顧佢,覺得我好好,好希望繼續留係度喎…….

<放假要留意事項>

<放假要留意事項>

又來一篇實用文.其實想分享好耐,因為工人最鍾意申訴僱主唔俾放假似奴隸,靚媽其實都覺得有些僱主真係唔太識法例,又或者唔知道程序,引起好多機會俾工人有位入.事實黎架,靚媽也聽不少,因此分享一下大家點做個精明僱主

先溫習一下少少法例

放每週休息日:
1.每週的例假是由僱主定,可以是固定或非固定, 若休息日為非固定性(即係今個星期放星期一,下個星期放星期四,下個星期又放星期日…)，就必須在每月開始之前，將休息日的日期通知傭工。
2.若傭工同意，你可另定休息日，代替原來指定的休息日。另定休息日須安排在同一個月內的原定休息日之前，或在原定休息日後的30 天內。
3.僱主不得要求傭工在休息日工作。你若強逼傭工在休息日工作， 即屬違反《僱傭條例》的規定。
4.不應強迫傭工在休息日工作。不過，傭工可自願在休息日工作。

法定假日:
1.記住記住!!不論服務年資長短(1日或1年),都會有權享受法定假日,每年有12日.唔好再俾AGENT呃3個月冇假放喇!叫佢refer<僱用外傭家庭傭工實用指南> 第4章啦!!
2.傭工如在法定假日之前已獲僱主連續僱用滿3個月，便可享有該假日的假日薪酬(即係如果佢未做夠3個月而又有法定假日,你要放,但可以扣佢人工,一日人工=月薪*12/365)
3.法定假日可以改,預先給予傭工不少於 48 小時的通知就可以；以及在原定假日之前或之後 60 天內，安排另定假日給傭工。(即你可以唔放正日,可以早D放遲d放,但一定要放)
4.千萬千萬唔好用錢買法定假,犯法架!拿拿拿…靚媽不會做犯法野,你都唔好喇!做左唔好話我知,都唔好留低證據喇…

靚媽的做法
1.每個月底最後一天出糧日,就會俾定下個月的LEAVE RECORD佢,清楚話佢知下個月你會放邊幾日假,出左duty冇得改架喇!所以有咩request要at least 半個月前通知我!
2.Leave record會放出黎,放假出門前要簽名,我又簽,月尾收返張record,同糧單釘埋一齊
3.我知道好多僱主唔俾工人放假,或唔俾佢地放咁多假,怕佢地學壞.其實靚媽不會建議,因為我好相信,人係一定要放假,因為只有工作的人,身體和心理是不會健康.留住個人,留不住個心,是最蠢的做法!
4.不似法定假期,法例冇寫明不可以以錢買假,休息日理論上係可以”以錢買假”,以錢買假係得,但合理也要合情,一次半次問題不大,但試問有一日反轉豬肚投訴你,個法官見到佢兩年只係放左3日假,人地點諗?到時真係講咩都假!不是當下你情我願就得,做僱主,諗多一步呀!!
5.我從來不會讓工人做主導,即不會俾佢想放就放,想返就返.如果佢想個日唔放要我用錢買假,先保障自己,一定叫佢填一份申請信(自製的)入紙同我申請,然後等我approve or disapprove,因為咁先可以證明,係佢要求你唔放,不是你要求佢唔放,好大分別架!black and white呢d就係證據!!不過多數我唔會approve!(肥J其實冇request過)
6.記住,你越搞到件事越複雜,越麻煩(即係要一個月前通知,要佢寫信向你申請,要等你批等等)….佢麻煩你既機會就會越少…..我工人想調一日假,我都要佢填一份2 pages既form,所以佢好少要麻煩靚媽!因為我會俾更多麻煩佢!
7.其實假真係要放足,唔好搞咁多野,又唔放又調,咁中招既機會就越少!even靚媽有潔癖,但佢放一日假唔清潔姐,有咩分別,反正佢放完假咪又係佢做返!可能做突添…..
8.靚媽是港媽,不是港女,所以我會係佢放假個日煮飯洗碗照做,仲專登係佢未出門前當佢面做,因為我要話佢知,我唔係冇左你唔得,我都識打理屋企….要不停灌輸佢呢個message…”我唔係冇左你唔得到”!!
9.最後,我好支持佢放假,所以一年來都冇同佢買過假.雖然我放假就等於要湊B,仲辛苦過返工,但其實我係好享受自己家庭樂,一個星期都已經有5日要返工,唯一希望WEEKEND可以親手照顧返BB.我堅持,只要我在家,湊BB的工作一定是我take up返!

如果大家有問題,可以提出,大家傾下.靚媽也可以俾下意見!
當然最簡單,可以打電話去勞工署問,或者email去問(靚媽成日煩佢地架!)
以上只是靚媽個人做法,只供參考!
ps:問靚媽拎糧單sample，我要開電腦先send到，等等等

<俾唔俾工人用洗衣機洗衫好?>

好多人問,俾唔俾工人用洗衣機洗衫好?

其實都冇統一答案,都要示乎不同情況,如工人本身乾唔乾淨等等

好多人話怕工人唔乾淨所以唔想用同一機,

靚媽就覺得,如果佢係唔乾淨,就唔只係洗衫的問題,咁佢又是否可以煮飯,可以照顧小朋友呢?

靚媽的個人做法,肥J的底衫褲手洗就一定要架喇,都好合理啦.

衫係可以用洗衣機,不過不是夾埋我地洗,佢會自己一機,一星期一機,平日衫鍾意就手洗,唔係就儲埋一袋.

洗衣機我都有個個星期大洗(空機用梳打粉)

之前有叫過肥J手洗(因為佢一星期著廿幾件衫…well),但其實手洗仲浪費時間浪費水又水滴滴…咁我見肥J個人衛生都唔算好差,所以係有俾佢用機.

其實都冇話有standard答案,最緊要合乎自己需要，但一定要講清楚

<實用文: HOUSERULE要點定?>

<實用文: HOUSERULE要點定?>

有人問HOUSERULE有冇用?冇話冇用架,不過你想有咩用先?
我覺得俾HOUSERULE,主要係俾工人知道妳的要求,妳想佢點,是溝通的一個方法.唔係一陣佢乜都話唔知唔知.
不過,不要覺得佢睇左,就會跟,佢唔跟,就可以炒,大家要清楚呀!
定HOUSERULE都要有D技巧,今日又分享少少

[以下都是靚媽的小小小小意見,不喜勿插呀]

1. 你定立HOUSERULE,要合情合理,唔好太harsh(係都唔好寫落去),白紙黑字既野,一陣touchwood俾官見到就知你係個好mean的僱主.

2.你定houserule咋,唔係叫你定法律,所有野都係跟香港法例. 例如大肚即炒不用賠,借錢即炒不用賠等等….well,幾時大肚同借錢係犯法架?唔係你話乜就乜.

3. 多d用please, thank you, it is suggested等等的字眼,溫和d,多d解釋..(其實都係唔想佢拎住你份houserule做證據證明你係個衰僱主.)

4. houserule呢…大家唔好以為睇左就會跟,冇架,學校有校規都唔係個個學生會跟啦.你只係盡左自己僱主的責任,有主動同佢溝通,係咁架咋!

5. houserule要佢每3個月睇一次,之後簽名作實(註:簽名代表睇左,唔係代表佢會做),每3個月一次,係因為rules呢家野,係會忘記,係會唔做野,叫佢做下revision,唔好到時又I don’t know mum!如果佢又話I don’t know,我會叫佢呢返份野出黎,refer返去邊個chapter….

6.整個welcome speech, 扮下友善

以下少少example

例子1:叫佢放假早d返黎呀!!
Please return home before 8:30 pm on your holiday. Make sure you get enough rest and sleep before the working day.

例子2:叫佢沖澡快d唔好做spa!!
Limit your shower time in reasonable length of time. It is suggested not more than xx minutes. Save water. Save our world.

例子3:叫佢唔好黑面!!
This is your second home, have a sense of belonging. Always have positive attitude. You are always welcomed to talk to employers regarding your work and even your personal problems. You can suggest on how works to be done, however, employers’ final decisions prevail.
(以上9成都係廢話,玩下文字藝術咋)

靚媽的houserule有12個chapter….哈哈哈~係呀!剛續約,改左d,又叫佢溫故知新!(遲d逐個chapter share,可以呃12次likes!😄有人睇至算)

<實用文:裝唔裝CAM好?>

<實用文:裝唔裝CAM好?>

超心痛,又有工人虐兒新聞,對!!係又…又又又又又…太嬲喇!
今次有cam拍到事件,好野!!!所以大家唔好睇小個cam呀!!

靚媽真心想分享俾大家:
1. 請之前一定要講屋企有CCTV,HOUSERULE都有一頁係講cctv.要佢睇,要佢簽,因為我係一早acknowledge左你,唔好唔認數. 如果不同意,就只有另謀高就( 不過話佢知香港冇咩人係唔裝cam).

2.如果工人同你講,屋企有cam佢覺得好似坐監冇自由,你只要話只有做左壞事和犯法的人才會覺得自己坐監冇自由,在香港,所有銀行,超市,食市所有地方都有大量cam,但我從來都唔覺得冇自由,因為我行得正企得正.

3.個個cam我都有貼一張紙”24 hours video recording in progress” ,提下佢記住smile (其實不是個個cam也可以auto錄影,只有我房個個係可以有呢個function.現在我也考慮換晒d 可auto錄影的!!)

4.雖然我返工不是成日可以睇cam,但我都會有時間就開個cam, move下個鏡頭,俾佢知我係有睇下架,佢地好sensitive架,成日望個cam.

5. 裝cam自己做好security,不要俾人hack睇到你屋企啦(呢d唔好問我,我都唔識,靠男人啦~佢地會識set架喇)

6.當然,最好一定有四大長老上黎睇下啦(不過我都明香港地,唔係個個有老人家幫架,後生個個都要返工搵食,鬼唔想做ftm生十個八個拎綜援唔洗do咩!)

最後靚媽屋企有5個CAM (但有2個係裝假狗壞既,照放出黎!),幾乎屋企除左佢間房,所有地方係睇晒.另加星期一至五都有我阿媽同奶奶黎睇下(不是whole day),算好幸福架喇!

香港的家長,就係咁悲哀,仲叫我生多幾個……唉~~~

<工人家人cancer點算好？温故知新篇>

[工人家人cancer點算好？温故知新篇]

最近印尼菲律賓還好嗎？這兩星期內收到約十單inbox求助，說工人的家人/親戚突然有cancer，要求借錢/放假點算好？...平時平均一星期一兩單類似求助咋嘛，但最近突然收到增多....原因可能個邊風水唔好😱😱

靚媽宗旨:從來不需要也沒有方法知道工人是講真還是講假，其實不重要，因為是真是假應對方法也一樣，只要自己合情合理合法，對得住天地良心。

以前方法已經教過大家，今日温故知新一下，以下重點，請熟讀:

1. 一定要有底線不借錢不借糧，慢慢同佢解釋，因為cancer是長手尾病，要醫以數十數百萬計，多你又借唔到，借一萬幾千幫唔到乜，所以會諗其他方法幫佢。最多今個月，可以每星期出糧俾妳應急。

2.Cancer和心臟病講唔埋，隨時死得，作為有同理心的僱主，知道作為海外打工係會好傍偟，建議佢立即辭職返去陪屋企人最後一面先。可以免收佢通知期/一個月人工住當借俾佢(唔收住咋)，並叫佢settle完再call你請返佢。追問佢幾時機票，立即用手機上cx個網check機票。

3. 建議佢找自己公會，教會，組織，佢地十分團結，又熱愛幫助自己同鄉(平時上街遊行陪去法庭告僱主都義不容辭😈)，或者佢地更幫到你。靚媽常備以下熱線(見圖)。

4.最後叫佢返房休息一下先，寫好辭職信，話俾你知幾時想走。(然後你抽身離去)

😚記住,不要直接拒絕，要表達關心。要解釋(順便帶佢遊下花園)。

😄如果佢真係要走，就let it go，記住你係做緊善事(不過so far冇feedback話真係要走過，多數會話cancer好返之類)

😊新手僱主，如果你一開始已用以上方法，靚媽敢講，你會發現你工人的家人從此身體也非常健康，你功德無量。

🐷如果你已經打算借錢(怕唔借會影響工作，怕佢借財仔或你是誠哥親戚視錢財如糞土💩)，救人一命勝在七級浮徒的話，sorry遲左提你，可以直接skip呢個post

<真.求助個案:新來港工人扮暈老屈實錄(中)>

<真.求助個案:新來港工人扮暈老屈實錄(中)>

(**最近收到不止一單扮暈call白車...咩世界)

我教僱主要做的事
1. 要定時whatsapp, sms工人本身個電話,問佢,幾時出院,情況如何,最重要同佢講,出院要通知我,記住返屋企.醫院費用不用俾住,拎單返黎 (重要:證明你冇抄佢)
2. 由於工人個friend話僱主從來冇俾食物佢,所以要whatsapp或sms同工人和佢個friend講:由於你有如此投訴,請同醫生講,叫醫生做有關檢查,包括抽血( 鐵,血糖等等),仲話由於你有咁既投訴而不是事實,我有可能會安排你到私家醫院進行有關檢查證明你從來沒有進食,費用由僱主提供. (重要:證明根本冇此事,仲建議佢去檢查)
3. 同佢個friend講,由於你是陌生人,我唔應該再同你講詳情，由於你說的不是事實,影響緊僱主個人聲譽,叫佢個friend留低個人資料姓名,電話和地址,因為我會同律師,議員研究一併和你誹謗罪,之後無論個friend講乜,重覆又重覆又重覆send呢句…..(重要:一來不要同佢浪費時間,二來重覆又重覆問佢姓名電話,順便拖埋佢落水)

工人出院返屋企…
1. 報定警同警察一齊見佢,理由:佢搵左個陌生人騷擾你,對方態度惡劣,你怕佢入屋有傷害你傾向
2. 工人主動同警察講,不想再留係度,想出去住先,僱主表示尊重,無奈同意.
3. 要定時send whatsapp同sms俾工人手機,叫佢要主動聯絡你,商討合約點算

工人從此冇再contact僱主….
1. 佢一話走當日,即時send email去入境處cc勞工署,尋求意見,工人自行雜開,失去聯絡,點算好.之後每日send一次,佢仲未返,點算好…..(重要:有record,你主動問過入境處,證明係佢失蹤佢曠工, 入境處不會即時覆,唔緊要,你只係要有紀錄你一早主動求助)
2. 第二日去報警,同工人失去聯絡,有報警編號就得,警察實際上冇野幫到你.之後keep住日日 email去入境處cc勞工署,尋求意見,
3. 入境處和勞工署會幾日後打俾or email你,同你講d講完等於冇講既野.之後你跟手入form terminate 佢contract, 理由一定要寫:工人無緣曠工,並失去聯絡,已報警失蹤,編號xxxxxx
4. Email去勞工署,問點出糧和追一個月人(勞工署都只係講d講完等於冇講既野,唔緊要)

過幾日,agent話contact到工人,工人去了菲律賓領事館,話願意收一個月糧同人工就走,問僱主可唔可以去簽
1. 一定不要去,是但作個理由,肚痛,腳痛.
2. 同佢講,已經contact勞工署,等勞工署安排

之後,僱主收到勞工署信,追討僱主人工+一個月通知,入面有個主任的contact
1. 準備所有文件( 所有email去入境處,勞工署,手機sms, whatsapp等等 hard copy), 掛號寄俾勞工署主任,之後written 話你會追返佢一個月,當日我一定會到,多謝佢 (重要: 你俾晒d文件主任睇,佢有個background知道咩事)
2. 調停當日….拿拿拿…靚媽冇教你唔去架,不過….當日可能總有d唔舒服架嘛,可以頭痛肚痛m痛架嘛!咁呢d咁突然的事你去唔到,當日早15分鐘打去俾主任好喇!!!say句sorry我黎唔到!sorry囉…要工人白行一轉!!oh~~~(重要:由於靚媽已同僱主傾好,佢係打算追討返工人一個月,所以知道調停係不會有結果…..所以..可能個朝肚痛囉..heehee)

之後主任就話,同工人傾過喇,如果要告僱主的話,就自己去搞,僱主冇野需要做…..

(下集再續)

<真.求助個案:新來港工人扮暈老屈實錄(上)>

<真.求助個案:新來港工人扮暈老屈實錄(上)>

A小姐的新來港工人工作態度散漫，先說家中有人生cancer要求放星期日(咩邏輯？冇架),偷懶玩手機為正職，A小姐唯有好聲好氣同佢傾，誘導佢努力適應和工作。當晚工人便在家突然暈倒，A小姐唯有call 999,但工人即時彈起話唔洗，僱主當然擔心佢安危叫白車送院...

翌日，A小姐收到一菲藉陌生人(自稱朋友)whatsapp,指A小姐"從來"沒有提供食物，導致工人暈左，已找工會去勞工處告僱主...

(以上是否耳熟能詳？靚媽懷疑，以上老屈formula是她們在training school第一課要學的？還是她們的"工作指南"中有寫？)

所有所有所有香港僱主，一定要留意<靚媽家傭大作戰>，因為靚媽將會記錄了真真實實的應對方法,現在事情仍未完結，但也已接近尾聲，等事情結束一定一定分享!

香港人，唔係咁好蝦架!!!!!

<收到勞工處信唔洗驚>

<收到勞工處信唔洗驚>

有人話明明自己冇錯，但怕去勞工處手尾長，又成日請假，所以寧願貼錢送瘟神。

勞工處信，只係約你調停，主任也是一位職員，不是官，佢唔可以評定你啱定佢錯，佢既角式只是調停。信內有張claim form, 多數工人也會有咁大作咁大。

1. 如果你同意工人claim form上的銀碼，你可以不用去，through主任俾佢就ok.

2. 如果你都決定不同意，而銀碼同工人要求的又差好遠，甚至反追討，預工人調停當日不會妥協...well可能個日會突然頭痛去唔到呢🙊
不過，記住靚媽上一篇教落，要早d 掛號寄晒d文件，你願意俾幾多錢俾主任，證明你係樂意去調停，只是身體不適要sick leave.

不過，機票，旅費$100,工作過日數的人工，大假係必要俾。好多時係一個月通知金，建議大家炒工人前，問一問靚媽，有冇足夠理據證據係可以唔俾。(大家千萬不要咁衝動呀!!!!)

續<真實工人老屈個案分享(已上庭)>下集

續<真實工人老屈個案分享(已上庭)>下集
👍超長分享，睇晒俾個叻你👍👍

大家心中多數有兩大迷團,一點解要俾$1200?二點解會話俾錢好過俾機票?

點解最後要賠$1200?首先我覺得唔係賠,因為個官都冇判佢輸。我明點解事主要主動話$1000俾工人,因為要再上庭壓力係好大,要請假都係損失(有D人真係手停口停),又可能要搵人湊小朋友…所以申張社會公義係重要,但人人價值觀係唔同,作為一個雙職媽媽,家庭子女是永遠放首位。有時候不少求助者都會鍾意俾少少錢了左件事,靚媽的角色是會分析事情利弊,最後也一定會尊重他們的決定,我一定唔會話佢做壞規舉,沒有為香港人發聲…..傻啦!選區議員咩!大家請得工人都可能係小小的中產家庭,在香港做中產好辛苦架…..anyway我覺得今次事主好叻,主動提出俾$1000,因為最後佢都一定要買多張機票(佢之前不是出open ticket的),所以果斷在此了事,成本效益來說,係大勝添呀!工人真係得返個桔!

另外，我覺得翻譯員唔代表任何官方答案,不過我估佢見太多case,結果都係僱主要俾多一次機票錢,呢個係一個好重要的資訊.

僱傭合約7(a)表明,僱主須負責傭工自原居地到香港的旅費及於合約終止或屆滿時返回原居地旅費.而僱用外籍家庭傭工實用指南–外籍家庭傭工及其僱主須知中,第11章”提供旅費、膳食及交通津貼”,問題11.2有提到,當合約屆滿或終止後，我應給予傭工甚麼種類的機票？有固定日期的還是沒有日期限制的？
勞工署標準答案是:
僱傭合約沒有為此作出規定，僱傭雙方可自行協議，但是你應考慮給予傭工一張沒有日期限制的機票，以避免在一些不可預計的情況下，倘傭工不能使用你所提供有固定日期的機票時，而引致你損失。

出現金其實都有出現金的問題,佢買左也可以上唔到機,而僱用外籍家庭傭工實用指南都沒有提過俾錢,所以我就唔會俾錢.
所以其實最好,就係買一張可改期的機票,另外都好depends你工人走時,你覺得佢有冇可能係會唔上機,會唔會告你!穩陣就買呢d flexible的機票，改期收少少penalty好過下下買過張。

💖💖靚媽再講,我希望當你無助的時候,至少可以有一個人可以聆聽你,俾意見你,就是這個Page的存在價值.呢度冇廣告也冇野賣,都沒有成日update增加人氣.
💖💖現在同自己賣少少廣告啦!誠意邀請大家

真實工人老屈個案分享(已上庭)>上集

真實工人老屈個案分享(已上庭)>上集

事緣: 六月初收到一個求助個案,工人來了兩個星期,又問僱主借錢,之後突然話自己辭職,已手寫辭職信簽名,去agent度簽收人工和機票,僱主話唔洗工人俾一個月通知金.最後收到勞工署信調停信,因工人要追討一個月人工.

靚媽叫佢俾晒所有辭職信,agent簽收糧單,機票的證明我望望先,靚媽都好肯定,冇乜漏洞可以告得入,靚媽建議先同家人商量,想俾錢了事,定不會妥協？咁事主話不妥協,靚媽就一路幫下佢,俾少少意見教佢做.

(1) 勞工署只是邀請你去調解,勞工署係唔會告你,所以盡市民的義務當然”話”去啦!收到信之後,我會禮貌地寄一封掛號信多謝主任協助,”話”我當日一定會出席,信內更會附有所有所有辭職信,agent簽收糧單,機票的證明副本俾埋佢,話方便佢了解一下先,希望調解個日順暢.(勞工署信會有個主任名)
(2) 同時即通知入境處(email/fax/post),佢既行為,加通知佢現在係potential法庭case (目的係希望不會在此期間出visa俾佢)
(3) 僱主因為可能因為心情好煩啦,調解當日身體有d唔舒服要去睇醫生,咁就個朝日打電話俾主任”告假”,要講聲sorry黎唔到.主任話其實睇左佢d文件都覺得d證據好夠,佢會同工人講.最後見完工人,主任問返僱主會唔會俾機票佢,僱主反問咪俾左囉!
(4) 主任話工人係可以繼續去小額錢債追討,要佢自己搞.最後果然僱主收到小額錢債信要上庭.排期好似一個多月
(5) 上庭時工人話係受壓之下簽所有文件,僱主告訴官,機票和人工是在agent簽.是有足夠時間考慮.
(6) 官話在家中情況無人知,有冇其他證明,建議大家達成共識,否則上多1-2堂,俾5-10分鐘大家考慮。僱主話俾$1000,但工人要求$3100,僱主話咁再上堂啦
(7) 陪同工人有一個外國女人和一個中國女人,外國人知道僱主有齊文件就走左,中國女人就同佢講,再搞只有$0,所以最後俾左$1200完左件事.
(8) 翻譯員告訴僱主,最好俾錢不要出機票,因為工人不上機,僱主也有責任.

成件事,僱主只需要請一日假上仲裁. (如果你根本打算不會賠,其實勞工署調解係冇意思的)

打到手軟,下回靚媽再分解一下!

再多次多謝事主同靚媽分享成件事,又俾我公開俾大家知!我都好開心,佢解決左一個問題,同埋為香港人爭取返公義,yeah,事主超勇敢!!!!

💖💖靚媽再講,我希望當你無助的時候,至少可以有一個人可以聆聽你,俾意見你,就是這個Page的存在價值.呢度冇廣告也冇野賣,都沒有成日update增加人氣.
💖💖現在同自己賣少少廣告啦!誠意邀請大家like & share靚媽家傭大作戰.!!

<分手也要清清楚楚>

<分手也要清清楚楚>

不少僱主炒工人,之後都俾人告(告得入唔入係另一回事),why ?咪就係因為唔清唔楚.有時係因為僱主唔識,有時係因係AGENT唔講.所以未請工人前,就先應知道要點炒工人.僱傭關係內,是沒有AGENT的角色,因此,炒工人係絕對可以自己搞. agent搞，自己都一定要睇住。

已經不止一單，明明收左辭職信都可以俾人反告?就係因為個一個月通知唔清唔楚喇!
我估,9成工人都唔會有一個月人工賠俾你,而佢又想唔賠兼且即走,而僱主都唔想留件垃圾在家,都會話算數你走啦,又或者送返一個月俾佢當貼瘟神…其實唔洗架，你唔收係一件事,但一定要寫得清清楚楚,係佢冇錢俾你你唔收, 我一定一定一定會加多句保障自己

I understand that my resignation without proper prior notice, neither giving one month notice nor wages of one month notice in lieu to my employer XXX, is strictly violating the Hong Kong Labor Ordinance. I understand that my employer has the right to claim my wages in lieu of notice, which is $4210.

另一方法,就係DATE BACK返resign letter係一個月前,咁就當係俾左一個月通知你喇! (但我個人唔鍾意date back,因為靚媽喜歡只要根據事實,邊日就邊日,冇得作個日子,上庭都唔會口姪姪)

<買機票的迷思>

<買機票的迷思>

Hello, 靚媽又消失了一段時間，咪係忙搬屋囉!所以呢個月的inbox都清唔晒，好多求助都未必幫到好多,sorry呀🙇🙇

最近有幾位朋友都問我買機票的問題，是否一定要包行李？可唔可以買轉n次機的？

應該咁講， 僱用外籍家庭傭工實用指南–外籍家庭傭工及其僱主須知中,第11章”提供旅費、膳食及交通津貼”,係話"通常"一張包機場税的機票，冇details到要唔要包行李，要唔要包食物(要麵包定要飯),要唔要窗口位，要econ定business....

所以，如果工人肯上機就最好啦，但到時因任何理由唔上機，係可以揾你再買，你唔俾，就到時就官判，咁好肯定，第一張機票就total loss.

而已經有不少單case,上到庭官也只會叫你地再傾下，咁好多時都係要俾過，明明跟足佢要的日期時間的機票，也要再買...well...又成日係咁，香港人係賤過地底泥呀😤😤。當然如果你肯打多幾堂，請埋律師，就唔同講法...

所以靚媽有d建議，盡量保障自己，咁touchwood見官時都可以有好印象:
1. 買機票前black & white問清楚日期，機場名，由機場回家所用交通(計買咩時間機票)，由機場到回家要多少個小時(計travel and food allowance)。
2.避免買機票是夜晚或零晨，因為如果到達是三更半夜時，根本沒有交通回家。
3.付款前印intiniary出黎俾佢望，同意就簽名，之後先買
4.個人建議，不會刻意買冇行李的機票，也不可以無合理原因要多次轉機，免卻以後麻煩。如果唔包行李，買之前早d同工人講，叫佢準備行李錢(順便睇下佢反應)
5.總之靚媽宗旨:合理合情合法(eg:工人request坐business就不合理，工人指定airline也是不合理)

當然，買到open ticket,可以任改日子，唔上機可以refund的就最好，不過唔係間間有，有都可能好貴，所以唯有做足保障自己。

🙇以上只供參考

<工人向你借錢點算好?>

不死的問題,工人向你借錢點算好?
工人借財仔,還唔到,問僱主借錢,借唔借好?
有時問你借幾千,堅持唔借?
佢日日喊到死老豆唔做野,
或者怕佢再借多一間…
不如立即炒左佢?….請過個仲貴過借幾千俾佢….

靚媽明白,借的錢是小數目,但借俾佢又唔甘心呀….靚媽堅貼地,教你點樣借錢得黎,又不失霸氣…

首先設立底線,你會借幾多(靚媽覺得,一個月人工真係仁至意盡,走佬收唔返,都可以當年尾雙糧)

借錢的錢永遠不會直接俾佢,開支票台頭寫財仔公司.

要佢交出還款單同收據,要清楚知道佢既財務狀況,以後每個月,左手出糧,右手收返還款的錢(糧單一定要寫你係出左一個月糧,唔好寫扣任何錢),跟手開張支票俾佢拎去財仔還,之後俾單你.

當然,你借俾佢既錢,要寫返借據,分幾個月扣啦!

總之,靚媽係不同意借錢俾工人,但我也明白,有時工人的確唔係差對小朋友也好,係人借佢又借,唔借反而蝕底,做僱主係好兩難.機會可以俾一次既,乘機chok佢講晒自己借幾多間,同以後控制佢還錢,而佢又肯，咁都係一件好事

但以下情況我就會壯士斷臂:

1. 佢已欠還錢好多期,一開口問你借成萬(你係唔會救到佢架喇)
2. 佢不停用屋企人又病又死,冇直接同你講佢係還唔到財仔，family problem不是借錢理由
3. 佢個個月有唔同理由唔俾錢你代佢還財仔

<工人放假一去冇回頭點算好??>

<<工人放假一去冇回頭點算好??>>

唔記得之前有冇post過,我記得上年肥J回鄉前靚媽係有share過放假前要簽9萬樣野,如果佢唔返會點(當然肥J好乖有返).好喇!如果不幸佢唔返,而你放佢走之前又冇簽好d野,又點算呢....

好快好快大約講下,case by case, 參考下咋!

1.Send WHATSAPP, SMS,電話,EMAIL,寄信(DHL)等等,問佢返唔返(呢個STEP好重要,一定要有証明你搵佢)

2.如果冇回覆,你就先去報警,話失左蹤,之後會有個polic case no.

3.Send email去勞工署,入境署,話呢個人失左蹤,問佢點算. 佢地好快會reply,勞工署多數email答d答完等於冇答既野,入境署有可能有人打俾你,其實都係講d講完等於冇講既野,唔緊要,最重要你係有record你要求助過,所以一定要email.

4.如果都幾日冇返,又完全失去聯絡,冇回音,可以報多次警(你好擔心佢嘛),之後就可以直接填入境署張終止合約form,理由,missing, absence from work, fail to contact 之類,之後寫封信blacklist佢(可以遲d先,慢慢寫)

5.即刻去勞工署求助,因為佢走左佬,你唔知點出糧,仲有機票等等,俾唔到佢,仲有佢冇俾一個月通知你(一定要,因為證明係佢走左,唔俾機會佢一返黎就追你一個月)

大約過程係咁啦!不過個個case處理都有d唔同!有咩inbox我~~(哈哈~不過我唔係日日睇page架.....我d老朋友都應該知道靚媽係成日missing架!!)

<新手實用文:放假前簽辭職信>

<新手實用文:放假前簽辭職信>
❤️文章最後有靚媽自製SAMPLE LINK無私分享

其實都唔係咩model sample,只係我自己覺得係應該咁,大家可以自行加減. 如果你都覺得工人係一定會返,可以唔好簽,冇話一定要架!

有人話係唔係要佢手寫,免得佢話唔明係你屈佢簽?其實法律上冇講過一定手寫先係代表合法, 你去銀行買保險去入境處申請passport有幾何要自己手抄form?我會用簡單英文,多d 俾佢fill in the blank，錄影下解釋.加上平時佢whatsapp溝通的英文,去証明佢係有能力理解.(我只請菲律賓的原因)

可能我同網上其他人建議有d唔同,我唔會寫”佢唔返d人工同機票就當一個月通知”,因為我覺得,人工還人工,機票還機票,一個月通知還一個月通知,三樣野不會互相cover到!我會寫”僱主保留權利會追討一個月通知”總之佢唔返都一定要去勞工署備案!

如果大家有問題,當然最簡單,可以打電話去勞工署問,或者email去問(靚媽成日煩佢地架!)

靚媽自製了一封信，大家可以參考，自行修改，sample for reference only。
無私分享，請自行下載。如要SHARE請註明出處。
https://drive.google.com/…/0BzOgKqAINAqWNGRRajRyZ2Jzd…/view…

(以上只是個人意見僅供參考）

<新手懶人包:炒人文件全套(純對收藏!!!打左好耐架😘)>

<新手懶人包:炒人文件全套(純對收藏!!!打左好耐架😘)>

唔知點解最近又多左人問炒人程序,都有人俾工人炒!靚媽又同大家溫故知新,今次仲整理好所有文件!
長氣講句,炒人程序係每一個僱主都要識,都係作為僱主的本份,大家一定要學定,唔好真係要炒人,或者俾人炒的時候,乜都唔識！一陣信錯AGENT,搞錯手續就唔好啦!

詳情:
僱用外籍家庭傭工實用指南 – 外籍家庭傭工及其僱主須知
http://www.labour.gov.hk/tc/public/pdf/wcp/FDHguide.pdf
大家要熟讀,記住,有咩唔識,就send email去勞工署或者入境處,問清楚呀!

靚媽就簡單講幾句,有四文件一定要時刻準備:
1. 入境處終止外籍家庭僱傭合約通知書 (ID 407E)
http://www.immd.gov.hk/pdforms/id407e.pdf
2. 終止合約通知書 (炒人大信封/辭職信)
https://drive.google.com/…/0BzOgKqAINAqWYWRTLTl4UENrM…/view…
3. 回程機票內容告簽收
https://drive.google.com/…/0BzOgKqAINAqWVFhWcnlaQUY5V…/view…
4. 計糧
https://drive.google.com/…/0BzOgKqAINAqWOWtJTHJkSWZjT…/view…

以上1係可以上網DOWNLOAD, 而3就係靚媽自製的(大家自己proofread下啦,可能打錯字架😜), 2,4都係勞工署SAMPLE!全部form用勞工署建議個份,叫佢fill in the blank就得架喇!
靚媽MODIFY左少少，其實都係執過下d位，大家可以參考，自行修改，sample for reference only。

🌸🌸無私分享，請自行下載。如要SHARE請註明出處。🌸🌸

溫故知新:
步驟
1. 填終止合約通知書正式通知我炒你喇/如果佢辭職,就叫佢填俾你,一定一定要written, 口講就當冇聽過!
2. 大家簽ID407E(其實呢份野單方面簽左都可以FAX去入境處架!!)跟手7日內fax去入境處（靚媽就即刻fax)
3. 俾回程機票內容表格佢填.內容係要佢寫低話我知你要邊日機票去邊度點由機場返屋企要幾耐時間,佢可以留係香港14日(一定一定要written!)
4. 之後要計糧(人工,大假,旅費等等),同意就即刻出現金支票(我會建議經銀行出,不要出現金),唔同意就叫佢約日子上勞工署慢慢傾 (當然你make sure你計得岩啦!你唔識計就問人喇!)
5. 可以叫佢執野離開(如即走)

有witness當時就最好,如果都知係麻煩case,更加最好搵個人睇住成個過程!以上只係簡單介紹,當然要individual case可能有唔同做法啦!

有野漏記住提提靚媽😘

《以上只是個人意見》

<新手實用文:借據>

<新手實用文:借據>
❤️文章最後有靚媽自製SAMPLE LINK無私分享

非正式統計,十個工人有九個都會問僱主借錢 (所以今篇張借據大家keep定張係屋企冇壞)
理由不外乎家鄉有人生cancer或病重,仔女開學要錢,打風屋企漏水,做左朋友保證人佢走左佬財仔追佢債等等...
雖然靚媽唔建議借錢,但我也明白香港僱主的兩難,我自己都借過俾佢, 底線呢架野,對住佢地係會越來越拉得低)😑
好喇又係個句,人家離鄉背井,要有同理心(下刪一萬字)…

今篇唔係教大家見招拆招,係講如果你真係想借錢俾佢要有咩留意😘
首先你要考慮一下佢既還款能力,同埋你既借款能力,
我自己呢,只會最多最多借一個月糧,即係四千幾蚊,因為我當收唔返,咪當係年尾bonus,加上如果即炒,咪又係要補一個月,所以我自己set定係咁多.如果佢獅子會開大口的話,都知佢應該好唔掂,咁我都建議你要小心,不如早d請過個,agent fee都係一萬蚊,計下條數咪仲抵過借。

實例:有一次肥J喊住話要我借一個月人工,理由唔記得天災定要幫屋企人買藥,所以d錢俾晒佢地冇錢還財仔.靚媽一開波拒絕佢,叫佢問朋友同埋叫佢搵佢地公會,話佢地最鍾意幫人..之後佢喊到跪係到,咁我就問返究竟佢係要還幾多錢,佢話一期$2600,咁我當然語重心長溫柔地教育下佢,之後我話我只可以借錢你還一期,exact開左張$2600的支票抬頭寫財仔,之後協議佢每個月要用還財仔單去換取繼續留係到做,$2600就分6個月還(佢要求)。

有幾個真理一定要明白
1. 無論咩原因都好,你唔好意圖想知道真偽,冇架,你只係要決定借同唔借就得。
2. 你借過一次,預左一定有第二次,唔緊要,因為你有權唔再借。
3. 唔好立即SAY YES,話要同先生太太公公婆婆商量下先,仲有佢叫借幾多,一定要同佢殺個價,主度權係你到。
4. 借唔借,自己決定唔洗理其他人,自己衡量一下值唔值得借。

如果你打算借錢,靚媽建議你一定一定要簽好借據,
唔好同我講咩將心比己,咩唔信任工人,咩冇同理心😡
我都好想行入去銀行可以乜都唔簽就借到錢，
工人借財仔也要簽借據, 所以我地都要準備好借據佢簽。
保障自己最重要,就算借錢俾朋友,都要撩返隻龜啦,係咪!

要注意:唔好係出糧單上直接寫扣左錢用黎還錢俾你,要分返開,費時一陣話你扣糧

靚媽自製了一封信，大家可以參考，自行修改，sample for reference only。 無私分享，請自行下載。如要SHARE請註明出處。

https://drive.google.com/…/0BzOgKqAINAqWNUxXYldzTjk0U…/view…

(以上只供參考)

<新手實用文: 出糧注意事項>

<新手實用文: 出糧注意事項>

(❤️文章最後有靚媽自製糧單LINK無私分享自行下載)

"僱用外籍家庭傭工實用指南"第3章表示:"(原文)你最好以支票或自動轉帳方式支付工資給傭工。不過，你必須得到傭工的同意才可以用上述方式支付工資，否則你須以現金支付工資。”

最好工人第一日上班就同佢講出支票叫佢去銀行拎錢。但如果工人要你出現金，你都係要出現金架!出現金也不一定代表容易被屈冇出糧，用支票或過戶也不見得最安全，當遇上失心瘋的工人，也可以自編自導自演話你迫佢去銀行提款然後私下沒收人工。因此最重要就係要有一張全面的糧單!!!有以下數點靚媽想提一提大家!

(1) 無論出現/支票/AUTOPAY也好，都一定要有張正式糧單!!糧單唔係有個銀碼簽個名就得!
(2) 如果出現金(工人話想要) ，建議cam下面交收，一張張$100咁數，之後又叫佢數一次，之後簽名。影埋佢行返房，全程錄影。
(3) 糧單盡量不要放屋企，我第2日就會拎返公司。雖然屋企有鎖櫃，但你知啦，有D工人偷信冇難度。冇左張糧單，真係見官喊都冇謂!
(4) 工人返工第一日，叫佢簽個signature sample，以後乜都要簽返呢個名。
(5)得閒上去工人FB，CAP下圖佢身光頸靚去玩既相，又或者影下工人買左咩新衫褲手機的相。咁就到時等個官知道佢唔會係2年冇收過人工咁可憐!
(6) 最後....當然作為僱主...要準時出糧啦!唔好私下扣人工(for any reasons:幫佢還錢等等乜都好)....只要僱主守法，就唔需要怕佢地!!

<僱用外籍家庭傭工實用指南>Appendix iii已經糧單sample。
http://www.labour.gov.hk/eng/public/wcp/FDHguide.pdf

靚媽自製了一張糧單，其實內容都大同小異，純粹方便自己睇。
大家可以參考，自行修改，sample for reference only.

無私分享，歡迎自行下載.😘
如要SHARE請註明出處。🙏🏻
請多多Like & Share😘

https://drive.google.com/…/0BzOgKqAINAqWZ01ud0szbXB2W…/view…

(以上只是個人意見)